Mánabikarinn MoonCup

kr.5.500

Mánabikarinn er hannaður af konum fyrir konur. Stilkurinn niður úr honum er ætlaður til að auðvelda að hafa tak á bikarnum við innsetningu og þegar hann er tekinn út. En sumum konum hentar betur að stytta stilkinn og gera það eftir þörfum. Þegar Mánabikarnum er komið fyrir er mikilvægt að hendur séu ávallt hreinar.
Gott er að halda honum undir heitu vatni um stund, það bæði velgir hann og mýkir svo að innsetning verður auðveldari.

Clear
SKU: N/A Category: Tag:

Description

Mánabikarinn MoonCup er margnota sílikonbikar sem tekur við tíðablóði og kemur í stað dömubinda og tappa. Hann er gerður úr silikoni, án allra aukaefna og veldur því ekki ertingu.

Mánabikarinn MoonCup er bjöllulaga, um 5 cm á lengd og tekur um 30ml. Meðalkona missir um 80-100ml við hverjar blæðingar.

Mánabikarinn MoonCup er auðveldur í notkun. Mikilvægt er að gæta fyllsta hreinlætis við alla meðhöndlun bikarsins og vera með hreinar hendur þegar hann er handfjatlaður og þegar hann er settur inn í leggöngin. Honum er komið fyrir neðarlega í leggöngum meðan á tíðum stendur og þarf að tæma á 4-12 tíma fresti, en það er þó nokkuð misjafnt eftir því hvað blæðingarnar eru miklar.
Notkun hans að næturlagi er örugg og ekki þarf að fjarlægja hann við þvaglát eða losun hægða.

Mánabikarinn hentar öllum konum, ekki síst þeim sem eru á ferð og flugi. Hægt er að stunda bæði sund og aðrar íþróttir, klífa fjöll og firnindi svo að eitthvað sé nefnt.

Spurningar og svör:

Ég er með ofnæmi fyrir bindum. Er Mánabikarinn fyrir mig?

Það mikilvægasta er að Mánabikarinn er á engan hátt óheilsusamlegur, en það geta tappar og bindi hins vegar verið. Ofurrakadrægir tappar geta valdið eitrun (Toxic Shock Syndrome) ef þeir eru hafðir of lengi í leggöngunum. Einnig innihalda margar gerðir tappa og dömubinda bleikiefni og ýmis önnur óæskileg sterk efni, sem geta valdið ertingu eða ofnæmi. Mjög algengt er að konur finni fyrir ofnæmi af þessum völdum sem leiðir síðan gjarnan til þrálátra sveppasýkinga með tilheyrandi óþægindum og útgjöldum. Mánabikarinn hentar konum sem eru ofnæmisgjarnar og konum með latexofnæmi þar sem hann er úr silikoni og inniheldur ekkert latex.

Notkun:

Mánabikarinn er hannaður af konum fyrir konur. Stilkurinn niður úr honum er ætlaður til að auðvelda að hafa tak á bikarnum við innsetningu og þegar hann er tekinn út. En sumum konum hentar betur að stytta stilkinn og gera það eftir þörfum. Þegar Mánabikarnum er komið fyrir er mikilvægt að hendur séu ávallt hreinar.
Gott er að halda honum undir heitu vatni um stund, það bæði velgir hann og mýkir svo að innsetning verður auðveldari.
Því næst er hann brotinn saman eftir endilöngu og efsta brúnin sett upp í leggöngin, þar er takinu sleppt og þá opnast hann.
Örlítil loftgöt ofarlega á Mánabikarnum gera það að verkum að loftjöfnun á sér stað og við það opnast hann. Mjög mikilvægt er að hann opnist fullkomlega því annars getur lekið meðfram honum. Síðan er honum ýtt rólega upp og gott er að snúa honum einn hring um leið til að tryggja að hann sitji sem best.
Þegar búið er að koma Mánabikarnum fyrir situr hann mjög neðarlega, eða aðeins 1-1 ½ cm frá opi legganganna. Hins vegar getur hann færst aðeins upp á við, við hreyfingu og er það alveg eðlilegt.
Þegar hann er tæmdur er tekið um neðsta hluta hans með tveimur fingrum, eða um stilkinn ef hann hefur ekki verið fjarlægður. Gott er að nota léttan þrýsting frá kviðvöðvunum um leið. Hversu oft þarf að tæma hann fer eftir magni blæðinga en miðað er við að þess þurfi á 4-12 tíma fresti.

Þrif:

Til að þrífa Mánabikarinn má nota vatn, eða vatn og milda sápu en ekki má sjóða hann þar sem hann gæti eyðilagst við suðu.
Til að sótthreinsa hann má nota edikslausn: 1 hluti af borðediki á móti 9 hlutum af vatni, látið hann liggja í mest 3 mínútur og skolið síðan vel í hreinu vatni. Þetta bæði sótthreinsar og tekur lykt ef einhver er. Athugið að það má ekki nota önnur sótthreinsandi efni.
Við lok blæðinga er Mánabikarinn þveginn mjög vel, þurrkaður og síðan geymdur í litlum bómullarpoka sem fylgir honum.

Stærð: A (eftir leggangafæðingu) B (fyrir fæðingu og eftir keisarafæðingu)

Additional information

Stærð

A, B

Reviews

There are no reviews yet.

Be the first to review “Mánabikarinn MoonCup”

Netfang þitt verður ekki birt. Nauðsynlegir reitir eru merktir *