Caya hettan

kr.8.990

Caya hettan er hormónalaus valkostur fyrir konur sem vilja stjórna sinni getnaðarvörn sjálfar.

Ath. panta þarf sæðisdrepandi krem sér.

8 in stock

Description

Caya hettan er hormónalaus valkostur fyrir konur sem vilja stjórna sinni getnaðarvörn sjálfar. Hettunni er komið fyrir í gegnum leggöng fyrir samfarir á svipaðan hátt og tíðartappa. Hún leggst yfir legháls og kemur í veg fyrir að sæðisfrumur berist upp í leg á meðan á samförum stendur og eftir þær. Eftir samfarir er hettan látin vera á sínum stað í minnst 6 klukkutíma. Caya hettan er notuð með sæðisdrepandi geli líkt og Caya Diaphragm Gel.

Hettan hentar flestum konum. Hún kemur í einni stærð sem hentar konum sem nota myndu stærð 65-80 mm af eldri gerð af hettum. Ágætt getur verið að fá kvensjúkdómalækni til að mæla hvaða stærð hentar þér til að öruggt sé að hún verndi sem best gegn ótímabærri þungun.

Ath. hettan veitir ekki vörn gegn kynsjúkdómum.

Notkun:

  • Hettan er brotin saman með því að ýta á kant hennar þar sem upphleyptir punktar liggja
  • Sæðisdrepandi krem er borið á fellingu sem myndast við samanbrotið (um 4 ml)
  • Smá sæðisdrepandi krem er borið á kant hettunnar
  • Hettan og kremið eru sett upp allt að tveimur tímum fyrir samfarir
  • Hettunni er haldið saman með tveimur fingrum og komið fyrir um leggöng líkt og tíðartappa. Ör í hettunni snýr í átt að líkama
  • Efri kanti hettunnar er komið fyrir í rýminu fyrir aftan legháls og fremri partur, þar sem flipinn er, liggur framfyrir legháls og er ýtt upp fyrir lífbein
  • Þreifað er á kúpta hluta hettunar til að athuga staðsetningu hennar. Ef þú finnur fyrir leghálsinum í gegnum hettuna er hún rétt staðsett. Að koma við leghálsinn er ekki ósvipað og að koma við nefbroddinn. Ef leghálsinn finnst ekki í gegn skal fjarlægja hettuna og koma henni aftur fyrir
  • Ef stunda á samfarir oftar en einu sinni er hettan höfð á sínum stað en bætt á sæðisdrepandi kremið
  • Hettan er höfð uppi í minnst 6 tíma eftir síðustu samfarir
  • Þegar hettan er fjarlægð er fingri komið fyrir í gripinu framan til og hún dregin út
  • Eftir notkun er hettan skoluð með vatni og sápu og látin þorna í opnu boxi.
  • Til að minnka áhrif umhverfis á hettuna skal ávallt geyma hana í geymsluboxinu sem fylgir
  • Mikilvægt er að hettan sé aldrei lengur en sólarhring í leggöngum hverju sinni

Hettan endist í 2 ár. Inniheldur lækningastaðlað silíkon og nælon.

Reviews

There are no reviews yet.

Be the first to review “Caya hettan”

Netfang þitt verður ekki birt. Nauðsynlegir reitir eru merktir *